Saturday 2 April 2011

என்று தான் நாம் கற்க போகிறோமோ ..!!!!!



                                                     "சில சோகங்கள் 
                                                       நம்மை 
                                                      அசைத்து பார்க்கும் ..
                                                      அழுதால்., 
                                                      தோற்போம் ...
                                                      அடக்கினால்.,
                                                      ஜெயிப்போம்...
                                                      அவர்கள் அடக்கினார்கள்...
                                                       நாளை ஜெயிப்பார்கள்....

                                                       வரிசையில் 
                                                       வருபவர்கள்..கோழைகளல்ல.,
                                                       இடையில் 
                                                       இணைபவர்கள் ..வீரர்களல்ல.,
                                                       அவர்கள் .,
                                                       வரிசைகளுக்கு..
                                                        இலக்கணம் .,.,
        
                                                       கட்டிடங்கள் அப்படியே ..
                                                       சாய்ந்தன ..
                                                       கடைசி வரை ஒரு 
                                                       செங்கல் கூட 
                                                       தனியே வரவில்லை ..
                                                       கட்டிடக்கலையில்
                                                       கால் பதித்தார்கள் ...
                                                       ஒரு நாளில்,
                                                       சுனாமியையும்
                                                       ஜெயிப்பார்கள்.,

                                                        களவு ,
                                                        கொள்ளை...பற்றி 
                                                       அவர்களுக்காவது..
                                                        கடைசி வரை ..
                                                        தெரியாமல்  
                                                        போகட்டும் ....,

                                                        ஊடகங்கள்
                                                        உண்மையை உணர்த்தின ...
                                                        பரபரப்பிற்கும் 
                                                        பணத்திற்கும் பின்னால் 
                                                        ஓடவில்லை ...

                                                        சிறுவர்கள் முதல் 
                                                        கிழவர்கள் வரை 
                                                        பதறவில்லை ...
                                                        பலமனார்கள்....

                                                        ச்ச...
                                                         என்று தான் நாம் 
                                                               கற்க போகிறோமோ ..!!!!!    

Sunday 20 February 2011

எதுவும் இல்லை ....




                                       " கல் நெஞ்சகர்களையும்
                                         கலங்க வைக்கும் 
                                         வளர்த்த நாய்க்குட்டியின்
                                         இறப்பு ..,

                                         என் வீட்டு
                                         சிறார்களையும்.,.
                                         சிங்கள தலைகளை 
                                         சீவி பந்தாட   
                                         வைக்கும் ,,என் 
                                         ஈழதமிழர்களின் 
                                         மரணங்கள்....

                                         கோழைகளும் 
                                         துப்பாக்கி தூக்கி 
                                         துவம்சம் 
                                         செய்வார்கள் ,,,
                                         திவிரவாதிகளை..
                                         என் .,.,., 
                                        அப்பாவி மக்களின்
                                        ஆத்மாகளுக்காக....

                                         ஆயிரம் உறவுகள் 
                                         இருந்தாலும் .,
                                         இறந்தாலும்...
                                         நினைத்த கணத்தில் 
                                         கலங்க வைக்கும் ...
                                         அம்மாவின் ..பிரிவு               

                                         கொண்டு செல்ல 
                                         எதுவமில்லை ...
                                         சேர்த்து வைத்தும்  ..
                                         பலனுமில்லை.....
                                         ரணம் இல்லாத 
                                         உயிர்... 
                                                 எதுவும் இல்லை ....

Saturday 12 February 2011

சிலரிடம் மட்டும் தான்... .

                                                
                                                  சில சிரிப்புகள் 
                                                  மட்டும் தான்....
                                                  பைத்தியமாக்குகிறது..
                                                             
                                                 சில பார்வைகள் 
                                                 மட்டும் தான்... 
                                                 திரும்பி பார்க்க 
                                                 வைக்கிறது ....            
                                                            
                                                 சில மௌனங்கள்
                                                 மட்டும் தான் ....
                                                 கொலையும் செய்ய    
                                                 தூண்டுகிறது..,

                                                 சில உரசல்கள் 
                                                 மட்டும் தான்.... 
                                                 மனதில் எரிமலையை 
                                                 வெடிக்க செய்கிறது ....   

                                                 சில காத்திருப்புகள்
                                                 மட்டும் தான்...
                                                 பொறுமையின் எல்லையை
                                                 புரிய வைக்கிறது ....

                                                 சில சந்திப்புகளில் 
                                                 மட்டும் தான்.....
                                                 பேச்சும் மறந்து 
                                                 போகிறது....
                                                           
                                                 இந்த 
                                                 சிலரிடம் 
                                                 மட்டும் தான் ..
                                                சிற்சில நெருக்கம் ....
                                                சிற்சில கோபம் ...
                                                சிற்சில கண்ணீர் ...             
                                                சிற்சில காதல்......


Tuesday 8 February 2011

என்னை போல் பலருக்கும்...


                                                          
                                                            'காந்தி'களுக்கும்.,

                                                           ' நிதி'களுக்கும்.,
                                                             என்றாகி 
                                                             விட்டன ...பதவிகள் ...
                                                                     
                                                             இந்தியா ஒரு 
                                                             வித்தியாசமான நாடு ,
                                                             பணக்காரனை 
                                                             கோடீஸ்வரனாக்கும்....
                                                             ஏழையை இன்னும் 
                                                             ஏழ்மையாக்கும்....   

                                                              பத்திரிக்கைகள்.,
                                                              பிரச்சினைகளை 
                                                              பரபரப்பாக்கி..
                                                              பணம் பார்க்கின்றன ...
                                                             அன்று மட்டும்... 
                                                                 
                                                             அந்நிய வங்கிகளும் 
                                                             இந்திய ரூபாய்களில் 
                                                              கிறங்கி கிடக்கின்றன 
  
                                                              வாக்காளர் பட்டியல்    
                                                              உயிருள்ளவனை  
                                                              மரணிக்கும்.., 
                                                              மரணித்தவனுக்கு   
                                                               உயிர் கொடுக்கும் ...

                                                               இலங்கை 
                                                               ராணுவமும் அடிக்கடி 
                                                               துப்பாக்கிகளை    
                                                               பரிசோதித்து பார்கின்றன ...
                                                               நம் ..,
                                                               கடற்கரையோரங்களில் .,
                                                                     
                                                               'கோயில்லா ஊரில் 
                                                               குடியிருக்க வேண்டாம்'--
                                                               அன்று 
                                                               கோட்டூர் கிடைக்கும் 
                                                               ஊரில் ..
                                                               குடியிருந்தே ஆக 
                                                               வேண்டும்'-இன்று ...   
                                                                     
                                                               இந்த.,  
                                                               வாழ்க்கை 
                                                               ஓட்டங்களிலும் ...
                                                               தேடல்களிலும் ...
                                                               இடையில் நின்று 
                                                               பேசவும் நேரமில்லை ...
                                                               எதிர்க்கவும் ..
                                                                துணிவு இல்லை ...
                                                                .....என்னை போல் ....
                                                                                 லருக்கும்...,  

Friday 4 February 2011

சின்ன குழந்தையாகவே ...இருந்திருக்கலாம் ....ல



                                               "கன்னத்தில் வைக்கும் 
                                                திருஷ்டி போட்டு ....
                                                அழுதால் சாப்பாடு .....
                                               அடிக்கடி முத்தங்கள் ...
                                                நிறைய செல்ல பெயர்கள் ....   
                                                நீண்ட உறக்கம் ....
                                                யாரும் தூக்கி
                                                வைத்துக் கொள்வார்கள் .....
                                                தத்தி தத்தி 
                                                பேசும் அழகுதமிழ்.....
                                                தரையில் விட்டதில்லை ....
                                                யாரை பார்த்தும் 
                                                சிரிக்கலாம் ..... 
                                                நிலா காட்டி சோறு ....             
                                                இரவு தாலாட்டு ......
                                                ஊசி இல்லாத மருத்துவம் .....  
                                               அதிக சிந்திக்காத மூளை ...
                                               வெட்கப்படாத
                                              ஆடை நிர்வாணங்கள்......
                                               பாட்டி வடை சுட்ட கதை .... 
                                               சுகமில்லாமல் நான் 
                                               தூங்கினாலும் ...விழித்திருக்கும் 
                                               அம்மா.....
                                               நாளை பற்றி 
                                               இல்லாத பயம் .....
                                                 .......ச்..ச்ச ........
                                                சின்ன குழந்தையாகவே ....
                                                    ...இருந்திருக்கலாம் ....ல .....
            

Thursday 3 February 2011

எதார்த்தமான உயர்திணை ....நான்


                                                    " பெட்ரோல் விலை.,

                                                       ஏறினாலும் 
                                                       வாகன நெருக்கடியில்....
                                                       பயணிக்கும் ...கூட்டம் 
                                                       இருக்கத்  தான்
                                                       செய்கிறது......              
                                                                               
                                                       தங்கம் விலை.,
                                                       ஏறினாலும்...
                                                       அட்சய திருதி' நாட்களில் 
                                                       வரிசையில் நின்று 
                                                       வாங்கும்....கூட்டம் 
                                                       இருக்கத்  தான்
                                                       செய்கிறது...... 
                                                                              
                                                       வீட்டில் டிவி ..
                                                       இருந்தாலும்...
                                                       இலவசமாய் இன்னொன்று 
                                                       என்றால்....
                                                       இளித்துக்  கொண்டு                   
                                                       வாங்கும்....கூட்டம் 
                                                       இருக்கத்  தான்
                                                       செய்கிறது...
                                                                                    
                                                        கல்வி கட்டணம் 
                                                       அதிகம் ஏறினாலும் 
                                                       ஆங்கிலப் பள்ளியில் 
                                                        படிக்க வைத்தால் 
                                                        தான் பெருமையென்று 
                                                        நினைக்கும்....கூட்டம் 
                                                        இருக்கத்  தான்
                                                        செய்கிறது...
                                                                               

                                                         பேருந்துகளில்..
                                                        அரை டிக்கெட்டுக்காக ..
                                                        குழந்தையின் உயரத்தை ...
                                                        குறைத்துக்                
                                                        காட்டும்....கூட்டம் 
                                                        இருக்கத்  தான்
                                                        செய்கிறது...
                                                                              
                                                        அதிகம் படித்தாலும் 
                                                        வரதட்சணை பேரங்களில்  
                                                        ஊமையாகி போகும் ...
                                                        ஆண்கள்....கூட்டம் 
                                                        இருக்கத்  தான்
                                                        செய்கிறது...                                                                      
                                                                              
                                                        இது போன்ற ...
                                                        எதார்த்தமான ..
                                                        கூட்ட வரிசைகளில்....
                                                        கைகட்டி நிற்கும் ...
                                                        எதார்த்தமான ...
                                                        உயர்திணை ....
                                                                நான் ......
                                                                                                                  
                               

Tuesday 1 February 2011

ஆறு அறிவு..உள்ள மனிதர்கள் அல்லவா ?


                                                ""சிந்தித்து பார்த்தால் 
                                                   சிலந்தி கூட ...நம்மை 
                                                   சிலிர்க்க வைத்து விடுகிறது ...
                                                   சில சமயங்களில் ....
 
                                                   எங்கே சர்க்கரை 
                                                   கொட்டினாலும் ...இந்த 
                                                   எறும்புகளுக்கு...
                                                   யார் ?...போய் தான் ... 
                                                   சொல்லுவார்களோ ...?
                                                                           
                                                   எண்ணங்களிலும்....இந்த 
                                                   தேனிக்கள் நம்மை 
                                                   விட பெரியவை தான் ....
                                                   கூட்டை கூட ...
                                                   உயரத்தில் தான்...கட்டுகிறது....

                                                   கூட்டுகுடும்ப வாழ்க்கையை   
                                                   காகங்குகளில்... 
                                                   கண்டு ....              
                                                   கண் கசக்குபவர்கள்
                                                   நம்மில் சிலர் ......

                                                  இப்படி ...   
                                                  நமக்கான பாடங்கள்
                                                  நம்மை சுற்றி தான் ...
                                                  நடக்கிறது .....
                                                  ஏற்று கொள்ள தான் 
                                                  முடியவில்லை.!....
                                                  நாமெல்லாம் 
                                                  ஆறு அறிவு...
                                                           உள்ள மனிதர்கள் அல்லவா ?????.......
         
                                                
                                                   

Sunday 23 January 2011

நா(னா)மாக...எதுவும் ...பழகவில்லை .....


                                நானாக எதுவும் 
                                பழகவில்லை ..,
                                 ... என்னை ..,
                                பழக்கியிருக்கிறார்கள் ....     
                                                                 
                                 சிறுவயதில் ..,
                                கடைக்கு போக மறுத்த 
                                போது.,
                                விளையாட்டாய் 
                                அம்மா தந்த
                                ஐந்து ரூபாய்
                                 .. என்னை ..,
                                பழக்கியிருக்கலாம்  ....     
                                                                 
                                நண்பனை ,வீட்டிற்கு 
                                அழைத்து 
                                வந்த போது ...
                                வீட்டில் இருந்தவர்கள்...
                               பெயர் கேளாமல் ..,
                               சாதியை கேட்டது .
                                ..என்னை ..,
                                பழக்கியிருக்கலாம்  ....     
                                                                 
                               வயதான என் 
                               தாத்தா-பாட்டியை 
                               முதியோர் இல்லத்தில் 
                               தவிக்க விட்டு வந்த 
                               என் பெற்றோர்கள் ..
                               ....என்னை ..,
                               பழக்கியிருக்கலாம்  ....     
                                                                  
                              விவரம் தெரியாத 
                              வயதில் ...
                             அப்பாவிற்கு ...வாங்கி 
                             கொடுத்த சிகரேட்...  
                              .....என்னை ..,
                             பழக்கியிருக்கலாம்  ....     
                                                                 
                             கடைக்காரர் தெரியாமல் 
                             கூடக்  கொடுத்த சில்லரையை 
                             திருப்பி கொடுக்காமல் 
                             வந்தது ....  
                              ......என்னை ..,
                              பழக்கியிருக்கலாம்  ....     
                                                                    .
                              இப்படித்தான் 
                              ஒவ்வொருவரும்...
                              எங்கெங்கோ...
                              எதையெதையோ 
                              பழகி இருக்கிறோம்...
                                நா(னா)மாக...எதுவும் 
                                                    ....பழகவில்லை .....    
                                                                                                        

Wednesday 19 January 2011

தேடி தான் பிடிப்போமே ----

                                                      
                                                     " நடந்து செல்லும் 
                                                       பள்ளி சிறுவனை 
                                                       என் பைக் யில் விட்ட போது 
                                                       "ரொம்ப நன்றி அண்ணே !!!"
                                                        என்று கேட்ட போது 
                                                        மனம் கனத்துப் போனது ...... 

                                                        வழக்கமாக செல்லும் 
                                                        பேருந்தில் ''பர்ஸ் "ஐ 
                                                        மறந்து விட்ட நாளில்  
                                                      "இருக்கட்டும் சார்..,
                                                        நாளைக்கு  தாங்க சார் 
                                                        என்று கேட்ட போது 
                                                        மனம் கனத்துப் போனது ...... 

                                                        அம்மா வயதிருக்கும் 
                                                        முதியோருக்கு ஒரு
                                                        வேளை உணவு வாங்கி 
                                                         கொடுத்த போது ...
                                                        "தம்பி..,நீங்க குழந்தை 
                                                        குட்டிகளோட ..நல்லா
                                                        இருக்கனும் "   
                                                        என்று கேட்ட போது 
                                                        மனம் கனத்துப் போனது ......     

                                                        கல்யாண பந்திகளில் 
                                                        சொந்தகளின் 
                                                        சச்சரவுகளுக்குகிடையில் 
                                                        நண்பர்கள் ..
                                                        "டேய்!!.,
                                                         நாங்க இலையை 
                                                       எடுக்கோம் டா .."
                                                       என்று கேட்ட போது 
                                                       மனம் கனத்துப் போனது ...... 
 
                                                      சொல்லிக் கொடுத்த 
                                                      மாணவன் ..,காரில் 
                                                      வந்து இறங்கி 
                                                       "சார் ..,நான் 
                                                       இன்னைக்கு இப்படி 
                                                       இருக்கேன்னா?..
                                                      அதுக்கு நீங்க தான் 
                                                       காரணம் "
                                                       என்று கேட்ட போது 
                                                       மனம் கனத்துப் போனது ...... 

                                                       இப்படி தினசரி 
                                                       வாழ்க்கை நிமிடங்களில்
                                                       உண்மை மனிதர்கள் 
                                                       மறைந்து தான் 
                                                       கிடக்கிறார்கள்...
                                                       தேடி தான் 
                                                          .............. பிடிப்போமே..-->>>>>